Ўзбекистон Республикаси мустакилликка эришгандан сўнг ҳокимиятнинг бўлиниши ва бошқа демократик тамойилларга асосланган янги давлатчиликни барпо этиш стратегик вазифа сифатида белгиланди. Республикамизнинг мустақил ривожланиши мобайнида бозор иқтисодиётига асосланган демократик давлат ва фукаролик жамиятининг конституциявий, хукукий ва амалий пойдевори барпо этилди, бошқарувнинг янги тизими вужудга келди. Зеро, бу борада Президентимиз Ислом Каримов таъкидлаганидек, "биз фуқаролик жамияти қуришга интилмоқдамиз. Бунинг маъноси шуки, давлатчилигимиз ривожлана борган сари бошқаришнинг турли хил вазифаларини бевосита халкка топшириш, яъни ўзини ўзи бошкариш органларини янада ривожлантириш демакдир"1. Бинобарин, фуқаролик жамиятини куриш эса ўзини ўзи бошқариш органларини такомиллаштириш орқали амалга оширилади.