Мазкур монографияда деҳқон хўжаликларининг иқтисодий муносабатлар тизимида
тутган ўрни, мазмун ва моҳияти тадқиқ этилган. Иқтисодиётни модернизация қилиш
шароитида деҳқон хўжаликлари нисбатан барқарор, эгилувчан эканлигини исботлади ва
аҳолининг турмуш даражасини яхшилаш, уни озиқ-овқат ва истеъмол маҳсулотлари билан
таъминлаш, бандлик муаммосини ҳал этишда муҳим ўрин эгаллаши каби муҳим
жиҳатлари очиб берилган. Мазкур хўжаликларнинг ишлаб чиқариш харажатларини
камайтириш ва даромадларини ўстириш ҳисобига уларнинг ишлаб чиқариш
самарадорлигини ошириш бўйича тадқиқотлар олиб борилган.
