Диссертация мавзусининг долзарблиги ва зарурати Жаҳон иқтисодиётида 2019 йилда бошланган глобал пандемия натижасида мамлакатлар ўртасида иқтисодий алоқалар узилиши ва бир вақтнинг ўзида талаб ва таклиф инқирози юз берди. Бунинг натижасида иқтисодий ўсиш кескин пасайиб, ишлаб чиқариш қисқарди, хизмат кўрсатиш соҳасидаги хўжалик субъектлар фаолияти тўхтаб қолди. Халқаро экспертлар томонидан олиб борилган тадқиқотлар натижаси шуни кўрсатмоқдаки, факторинг амалиёти турли хил инқирозлар даврида барқарор молиявий хизматлардан бири ҳисобланади.
