Ўқув қўлланма “Реал секторда маҳсулот сифати ва рақобатбардошлиги” фани бўйича тайёрланган бўлиб, унда реал сектор корхоналарида сифат тизимини бошқаришнинг назарий ва амалий асосларини ёритиб беришга ҳаракат қилинган. Шунингдек, сифатни бошқаришнинг замонавий тизими, сифатни бошқаришда хорижий тажрибалар, сифатни бошқаришда стандартлаштириш ва унинг талаблари, метрологик фаолиятни ташкил этиш, маҳсулотларни сертификатлаштириш қоидалари, корхоналарнинг ишлаб чиқариш тизими бошқарувида халқаро ISO стандартлари асосида сифат менежментини жорий этишнинг афзалликлари, сифатни бошқаришда стандартлаштириш, сертификатлаштириш ва метрологик фаолиятни кенг жорий этишнинг меъёрий-ҳуқуқий асослари келтириб ўтилган.
