Jahon iqtisodiyotida turizm sohasini barqaror rivojlantirish, turizm xizmatlarini ko‘rsatish hajmi va sifat darajasini oshirish hamda milliy iqtisodiyotdagi ulushini ko‘paytirish borasida ko’plab ilmiy tadqiqotlar olib borilmoqda. Ushbu jarayonda jahon miqyosida turizm sohasida faoliyat yuritayotgan korxona va tashkilotlarning turizm xizmatlari samaradorligini oshirish uslubiyotini takomillashtirish, ularning samarali iqtisodiy strategiyasini yaratish, turizm xizmatlarining tashqi bozorlardagi raqobatbardoshligini oshirish mexanizmini yaratish, faoliyat samaradorligini statistik usullarda kompleks baholash va prognozlashga alohida e’tibor qaratilmoqda. Bu borada, turistik kompaniyalar tomonidan ko’rsatilayotgan xizmatlarni standartlashtirish va sifatini oshirish uchun dunyo standartlariga javob beruvchi statistik tasnifni ishlab chiqish, innovatsion strategiyalardan maqsadli foydalanish muhim hisoblanadi.