Жаҳонда ҳар қандай мамлакатнинг миллий иқтисодиёти ривожланишида банк тизими муҳим ўрин эгаллаб, корхоналар ва тадбиркорларни молиявий қўллаб-қувватлаш вазифасини бажаради. Тижорат банклари хизматларига бўлган талабнинг ортиб бориши билан бирга нобанк институтларини кўпайиши, банк хизматлари бозорида рақобатни кескинлаштирмоқда. Бу эса тижорат банкларининг мижозлар билан ишлаш борасида янги банк маҳсулотлари ва хизматларини жорий этиш, масофавий хизмат турларини кенгайтиришни талаб этмоқда. «Буюк Британиянинг энг йирик тижорат банклари (клиринг банклари) ўз мижозларига хизмат кўрсатиш учун 100 га яқин, АҚШ тижорат банклари 150 дан ортиқ, Хитой ва Япония банклари эса 300 га яқин турдаги операцияларни амалга оширадилар». Замонавий банк хизатлари бозорида шаклланган рақобат муҳити ва мижозларнинг банк хизматларидан фойдаланиш тажрибаларининг кенгайиб бориши мижозлар билан ишлаш борасида самарали маркетинг стратегияларини ишлаб чиқишни тақозо этмоқда.