Dunyo mamlakatlarida qishloq xo‘jaligi mahsulotlari bozorida raqobatning kuchayib borishi sharoitida tarmoqdagi iqtisodiy samaradorlikni baholashni amalga oshirishga qaratilgan ilmiy izlanishlar olib borilmoqda. Globallashuv va xalqaro raqobat kuchayib borishining qishloq xo‘jaligi tarmoqlarini rivojlantirishga ta’sirini baholash, tabiiy resurslar, inson kapitali, investitsiyalar oqimi va qishloq xo‘jaligi eksporti qiymatining mamlakatlar qishloq xo‘jaligi samaradorligini oshirishdagi ahamiyati, mamlakat hududlari bo‘yicha qishloq xo‘jalik ishlab chiqarishining nisbiy samaradorligini modellashtirish va prognozlashtirish mazkur ilmiy tadqiqotlarning ustuvor yo‘nalishlaridan hisoblanadi.
