Xalqaro amaliyotda byudjet tashkilotlarini moliyalashtirish va mablagʻlarning
maqsadli sarflanishini nazorat qilish samaradorligini oshirishga oid bir qancha ilmiy
izlanishlar olib borilmoqda. Byudjet tashkilotlaridagi ichki nazorat tizimlarini
oʻrganish, moliyaviy firibgarlik va qonunbuzarliklarning oldini olishda ularning
samaradorligini baholash, moliyaviy nazorat modellarining qiyosiy tahlili, byudjet
tashkilotlarida risklarni boshqarish strategiyalari, byudjet mablagʻlarini taqsimlash
va mablagʻlarning ustuvor yoʻnalishlarga yoʻnaltirilishini taʼminlashda jamoatchilik
ishtiroki, mablagʻlar nazoratini tartibga soluvchi huquqiy va meʼyoriy-huquqiy
bazani tahlil qilish hamda takomillashtirish yoʻnalishlarini belgilash bu borada
amalga oshirilayotgan ilmiy tadqiqotlarning ustuvor yoʻnalishlaridan hisoblanadi.
