Янги Ўзбекистоннинг тараққиёт стратегиясида инсон қадри ва манфаатлари юқори ўринга қўйилиши аҳоли турмуш даражасини сифат жиҳатдан юксалтиришда муҳим аҳамият касб этиб, ўтган йиллар мобайнида ижтимоий соҳада, жумладан «Темир дафтар», «Аёллар дафтари», «Ёшлар дафтари» сингари янги механизмларнинг амалиётга жорий қилиниши бу борада амалга оширилаётган чора-тадбирларнинг натижадорлигини таъминлашга ижобий таъсир кўрсатди. Аҳоли турмуш даражасини оширишда муҳим омиллардан бири аҳоли даромадлари, хусусан «Деҳқон ва фермерлар даромадини камида 2 баравар ошириш»3, минг йиллик тараққиёт дастурида кўзда тутилган тоза ичимлик суви, сув ресурсларини асраб-авайлашга йўналтирилган «Сув ресурсларини бошқариш тизимини тубдан ислоҳ қилиш ва сувни тежаш бўйича алоҳида давлат дастурини амалга ошириш, хусусан, 2026 йилгача республика аҳолисининг тоза ичимлик суви билан таъминланганлик даражасини 87 фоизга етказиш, 32 та йирик шаҳарлар ва 155 та туман марказларида оқова сув тизимларини янгилаш»" сингари муҳим устувор вазифалар белгилаб берилган