Ўқув қўлланмада рақамли иқтисодиётнинг назарий асослари, унинг эволюцияси муҳокама қилинади, бошқарувнинг янги объектлари – платформалар ва бизнес экотизимлари, бизнесни бошқаришнинг янги тамойиллари, рақамли иқтисодиётнинг замонавий ахборот технологияларини ривожлантириш ва қўллашда юзага келадиган муаммолар ҳақида маълумотлар келтирилган. Шунингдек, молия-банк тизимини ислоҳ қилиш концепцияси берилган, блокчейн, криптовалюта, Биткоин тушунчалари ва уларнинг орасидаги фарқ, шунингдек, улардан Ўзбекистонда фойдаланиш рисклари, сунъий интеллект ва жаҳон иқтисодиётида рақамлаштиришнинг замонавий тенденциялари очиб берилган.
