Жаҳонда истеъмол товарлари бозорида корхоналарнинг самарали брендинг сиёсатини шакллантириш ва амалга ошириш орқали халқаро микёсда рақобат устунлигига эришишга эътибор қаратилмоқда. Бунда товарлар брендини яратишга оид назарияларни такомиллаштириш, глобал бозордаги тенденциялар таъсирида юзага келаётган брендинг стратегиясининг модификациялашган шаклларини синтез қилиш, бизнеснинг бошқарувига таъсир йўналишларини аниқлаш, жумладан, мева шарбатлари бозорида бренд бўйича хабардорлик, мижозлар содиқлигини таъминлаш, истеъмолчиларни шахсий афзал кўриш қобилиятларига кучли ва самарали бренд воситаси орқали таъсир кўрсатиш кабилар асосий тадқиқот йўналишларидан ҳисобланади.
