“Халқаро иқтисодий ташкилотлар” - ўқув қўлланманинг асосий
мақсади халқаро иқтисодий ташкилотларнинг тузилиши, мақсади ва
вазифаларини ўрганган ҳолда халқаро иқтисодий муносабатлар
тизимида тўғри фаолият юрита олиш кўникмаларини ҳосил
қилишдир. Ушбу ўқув қўлланманинг асосий вазифалари эса халқаро
иқтисодий муносабатларни тартибга солишда халқаро иқтисодий
ташкилотларнинг роли, уларнинг фаолият соҳаси, ривожланиш
доираси ва усуллари, аъзо-давлатларнинг ҳуқуқ ва мажбуриятлари
ҳамда ҳуқуқий меъёрлари ҳақидаги билимларни эгаллашдан иборат.
Муалифлар томонидан ишлаб чиқилган мазкур қўлланма
ўқитувчилар, талабалар, халқаро иқтисодий ташкилотлар билан
қизиқувчи барча китобхонларга мўлжалланган.
