Rivojlangan davlatlarda tadbirkorlikni rivojlantirishni, ular tomonidan amalga oshirilayotgan ijtimoiy funksiyalarni tadqiq etuvchi ko‘plab ilmiy tadqiqot tuzilmalari faoliyat ko‘rsatmoqda. Ijtimoiy yo‘naltirilgan bozor iqtisodiyotini barpo etish va tartibga solish bo‘yicha shakllangan amaliy ko‘nikma, to‘plangan tajribalar, tadbirkorlik subʼyektlari tomonidan ijtimoiy masalalarni hal etishdagi ishtirokini qo‘llab-quvvatlash, tadbirkorlikning ijtimoiy funksiyasini keng targ‘ib etish hamda amaliyotga joriy etish bo‘yicha ilmiy tadqiqotlarni amalga oshirishni rag‘batlantiradi.
