Xalqaro amaliyotda, soliq to ‘lovchilar faoliyatini soliq mexanizmi vositasida tartibga solishni takomillashtirishga qaratilgan ilmiy izlanishlar olib borilmoqda. Iqtisodiyotni soliq mexanizmi orqali tartibga solishda soliq maslahati xizmatlari ko‘rsatish tizimini, soliq auditi va kameral soliq tekshiruvlari natijalari bo‘yicha qo‘shimcha hisoblangan soliqlar summalarini va moliyaviy sanksiyalarni undirish mexanizmlarini takomillashtirish, soliq hisobotlarini tuzish va taqdim etish tizimini tahlil qilishning uslubiy asoslarini ishlab chiqish, soliq yuki darajasini aniqlash amaliyoti orqali soliq mexanizmi samaradorligini baholash, elektron soliq tizimiga bo‘lgan munosabat va soliq qonunchiligiga rioya qilish o‘rtasidagi munosabatlarda elektron soliq tizimini qabul qilish masalalari bu boradagi ilmiy tadqiqotlarning ustuvor yo‘nalishlaridan hisoblanadi.