Jahonda kechayotgan global inqiroz va geosiyosiy vaziyatning hozirgi sharoitida sanoat tarmog‘ida iqtisodiy va texnologik samaradorlik darajasini oshirish masalalariga yo‘naltirilgan qator izlanishlar olib borilmoqda. Sanoat tarmog‘ida mehnat va boshqa iqtisodiy resurslar samaradorligini oshirishning uslubiy asoslarini takomillashtirish, tarmoq samaradorligining uzoq muddatli farovonlikka ta’sirini baholash, global iqtisodiyot tarkibiy o ‘zgarishlariga sanoatning moslashuvchanligini ta’minlash, sanoat ishlab chiqarishida raqamlashtirish, zamonaviy innovatsion ishlanmalar salmog‘ini oshirish kabi masalalar bu borada amalga oshirilayotgan ilmiy-tadqiqot ishlarining ustuvor yo‘nalishlaridan hisoblanadi.
