Hozirgi global raqobat sharoitida jahondagi innovatsion sanoat texnoparklari faoliyatini tashkil etishning zamonaviy yondashuvlaridan foydalanishga doir qator ilmiy tadqiqotlar olib borilmoqda. Innovatsion ekotizimni yaratish orqali mahsulotlar sifati hamda texnologiyalarning raqobatbardoshligini oshirish, texnologik transfer va ilmiy izlanishlarni qo‘llab-quvvatlash, texnoparklar orqali xalqaro hamkorliklar va aloqalarni kengaytirish, innovatsion texnoparklarda startaplar va kichik biznes uchun shart-sharoitlar yaratish, mahsulot sifatini yaxshilash va yangi ishlab chiqarish usullarini joriy etish, innovatsion texnoparklar orqali sanoatga investitsiyalar jalb qilish, xususan, venchur kapitalini rivojlantirish va xorijiy sarmoyadorlarni jalb etish, mahsulotlar raqobatbardoshligini oshirish bu boradagi tadqiqotlarning ustuvor yo‘nalishlaridan hisoblanadi.