Jahondagi turli mamlakatlarda innovatsion texnologiyalarni strategik tatbiq etish, mahalliy texnoparklarni tashkil qilish va ushbu subyektlarning xalqaro savdo va tijoratni boshqaruvchi keng global qiymat zanjiriga samarali integratsiyalashganiga ishonch hosil qilish orqali sanoat mahsulotlarining raqobatbardoshligini oshirishga katta e’tibor qaratilmoqda. Ma’lumotlarga ko‘ra, “Jahon bo‘ylab 2500 ga yaqin texnopark tarqalgan, taxminan 300 tasi Amerika Qo‘shma Shtatlarida, 110 ga yaqini Yaponiyada, 80 dan ortig‘i Xitoy chegarasida joylashgan bo`lib, 50 dan ortig`i Hindistonda tashkil etilgan. Yevropa Ittifoqida 600 dan ortiq texnopark mavjud, ulardan 360 tasi Germaniyada, 80 ga yaqini Fransiyada va 25 dan ortig‘i Finlyandiyada joylashgan”1. Bu esa sanoat mahsulot raqobatbardoshligini oshirishda innovatsion texnoparklardan samarali foydalanish mexanizmini takomillashtirishning dolzarbligini namoyon etadi.