Dunyo mamlakatlarida investitsiya resurslarini jalb qilish mexanizmini
takomillashtirish, ularning istiqbolli tarmoqlarga kirishini rag‘batlantirish va
ulardan samarali foydalanishda investitsiya loyihalari sifatini oshirish muammolari
bo‘yicha ilmiy izlanishlar olib borilmoqda. Oxirgi o‘n yillikda jahon
iqtisodiyotidagi yuzaga kelayotgan nobarqarorlikning oldini olish, saqlanib
qolayotgan turli tahdidlarni bartaraf etish, rivojlangan va rivojlanayotgan
mamlakatlarda o‘sish sur’atlari pasayishini to‘xtatish, dunyoda investitsiyalarni
jalb qilish va loyihalarning iqtisodiy samaradorligi aniqlash, investitsiya
loyihalarining iqtisodiy samaradorligini hisoblashda yangi usullarni joriy etish
mazkur tadqiqotlarning ustuvor yo‘nalishlaridan hisoblanadi.
