Dunyo amaliyotida davlatning iqtisodiyotni tartibga solish jarayonlarini samarali tashkil etishga e’tibor kuchayib borishi bilan davlat xaridlariga oid bir qator tadqiqotlar amalga oshirilmoqda. Davlat xaridlarini to ‘g ‘ri va samarali tashkil etish orqali mahalliy ishlab chiqaruvchilar uchun raqobatbardosh bozorni ta’minlash, davlat xaridlarini tashkil etishning uslubiy va tashkiliy-iqtisodiy jihatlarini takomillashtirish, davlat xaridlarini amalga oshirishda raqamli texnologiyalardan foydalanish, innovatsion yondashuvlarni ishlab chiqish hamda samaradorligini baholash kabi masalalar bu boradagi ilmiy tadqiqotlarning ustuvor yo‘nalishlaridan hisoblanadi.
