Jahonda tijorat banklari resurslari barqarorligini taʼminlash, banklarda transformatsiya riskini va valyuta risklarini kamaytirish orqali aktiv operatsiyalarining daromadliligi va ularning risklilik darajasi oʻrtasidagi mutanosiblikni taʼminlash, tijorat banklarining xalqaro fond bozoriga chiqishi va mablagʻlarini jalb etishiga bagʻishlangan ilmiy tadqiqotlar olib borilmoqda. Tijorat banklari resurslari tarkibidagi nomutanosibliklarni bartaraf etish, resurs jalb qilish manbalarini kengaytirish, xalqaro miqyosda tijorat banklarining inqirozga yuz tutishi xavfini pasaytirish, tijorat banklari faoliyatiga innovatsion texnologiyalarni joriy etish, moliya bozorida mijozlarni kreditga boʻlgan ehtiyojlarini qondirish, xalqaro miqyosda tijorat banklari resurs bazasini yanada kengaytirish va mustahkamlash masalalari bu boradagi ilmiy tadqiqot ishlarining ustuvor yoʻnalishlaridan hisoblanadi.