Jahonda turizm sohasida mehmonxona biznesini rivojlantirish borasida ko‘plab ilmiy tadqiqot ishlari amalga oshirilmoqda. Mehmonxonalarni onlayn bron qilish tizimlarini takomillashtirish, mehmonxona faoliyatida yig‘iladigan katta ma’lumotlar orqali mijozlarning xulq-atvorini aniqlash va shunga mos xizmatlarni ishlab chiqish, mijozlar mamnunligiga erishish, barqaror rivojlanish va ekologik yondashuv, tarmoqlarda faol ishtirok etish, mehmonxonaning ijobiy imijini shakllantirish va keng ko‘lamli auditoriyaga yetib borish, mehmonxona boshqaruvi va kadrlar salohiyati, hududiy rivojlanish va klaster yondashuv bu borada olib borilayotgan ilmiy-amaliy tadqiqotlarning ustuvor yo‘nalishlardan hisoblanadi.
