Jahonda iqtisodiy barqarorlik va moliyaviy resurslardan samarali foydalanishni
ta’minlashning dolzarbligi kuchayib borayotgan sharoitda mahalliy budjetlarni o‘rta
muddatli rejalashtirish muammolariga yo‘naltirilgan qator ilmiy tadqiqot ishlari amalga oshirilmoqda. Global moliyaviy beqarorlik sharoitida mahalliy budjetni o ‘rta muddatli rejalashtirishning zarurligi, uning tashkiliy-uslubiy jihatlari va me’yoriy- huquqiy asoslarini takomillashtirish, daromad va xarajatlari tarkibi o‘rtasidagi muvofiqlikni ta’minlash, mahalliy budjetni o‘rta muddatli rejalashtirish uslubiyatiga zamonaviy vosita va usullarni joriy etish, mahalliy budjetni prognozlashtirish jarayonlarida raqamli texnologiyalar va platformalardan foydalanish kabilar bu boradagi ilmiy tadqiqotlarning ustuvor yo‘nalishlaridan hisoblanadi.
