Jahon iqtisodiyotida taraqqiyotning muvaffaqiyati va barqarorligini belgilovchi asosiy muammolarni hal etish bilan bogʻliq boʻlgan korxonalarning moliyaviy siyosatini shakllantirish borasida koʻplab ilmiy tadqiqotlar olib borilmoqda. Korxonalarda moliyaviy rejalashtirish, soliqlarni strategik rejalashtirish metodologiyasi va bosqichlari, soliq logistikasi, soliq risklari va moliyaviy prognozlashning integratsiyalashgan tizimini asoslash, korxonalarning moliyaviy siyosatiga taʼsir etuvchi omillarni aniqlash, ularni baholash hamda
takomillashtirish usullari va vositalarini ishlab chiqish, moliyaviy siyosatini shakllantirish mexanizmlarini hamda tartibga solishni ishlab chiqish metodologiyasini takomillashtirish masalalari bu boradagi ilmiy tadqiqotlarning ustuvor yoʻnalishlari hisoblanadi.
