Бугунги кунда банк тизимини ислоҳ қилиш борасидаги энг муҳим вазифалар - банкларнинг ўз устав капиталини кўпайтириш, аҳоли, тадбиркорлик субъектлари ва сармоя киритиши мумкин бўлган инвесторлар, шу жумладан, хорижий инвесторларнинг бўш пул маблағларини жалб қилиш учун акциялар чиқариш ва уларни фонд бозорларида фаол жойлаштириш каби комплекс чораларни амалга оширишдан иборат бўлмоғи лозим. Бу хусусда Ўзбекистон Республикаси Президенти И.А. Каримов: “Ишни шундай йўлга қўйиш керакки, мижозлар, тадбиркорлар банкларнинг ортидан эмас, аксинча, банклар бизнес вакиллари ва аҳоли орқасидан
юрадиган бўлсин” 1 деб бежизга таъкидламадилар.
