Жаҳонда чорвачилик маҳсулотларини ишлаб чиқариш самарадорлигини ошириш, уларнинг статистик кўрсаткичлари тизимини такомиллаштириш, ўртачалаштирилаётган кўрсаткичлар орқали комплекс статистик таҳлил қилиш юзасидан қатор илмий изланишлар, жумладан, тизимли ёндашувни амалга ошириш ҳисобига чорвачилик соҳасини интенсив ривожлантиришни статистик баҳолаш, чорвачилик маҳсулотларининг ҳажмини ва сифатини кўп омилли статистик таҳлил қилиш бўйича кенг кўламли илмий тадқиқот ишлари олиб борилмоқда. Ҳозирги кунда жаҳон амалиётида чорвачилик соҳасини статистик ҳисоб ва ҳисобот тизими методологиясини такомиллаштириш, унда тизимли статистик таҳлил усулларини қўллаш, чорвачилик маҳсулотлари асосий турларини ишлаб чиқаришни ривожлантиришга таъсир қилувчи омилларни статистик усулларда баҳолаш ва прогнозларини ишлаб чиқиш устувор илмий йўналишлардан ҳисобланади.