“Иқтисодиёт назарияси” магистратура мутахассислиги 5А340101 талабалари учун “Тармоқ ва корхона иқтисодиёти
назарияси” фани бўйича тайёрланган ушбу ўқув қўлланма мавжуд наъмунавий ва ишчи ўқув дастурлари, Ўзбекистон
Республикаси Кадрларлар тайёрлаш миллий дастури ҳамда давлат таълим стандарти асосида тайёрланган.
Маълумки, ҳозирги бозор иқтисодиёти шароитида миллий иқтисодиётнинг асоси бўлган корхоналар ва тармоқларнинг
аҳамияти янада ошиб бормоқда.
Корхона (фирма) ва тармоқларда жамият учун зарур бўлган маҳсулот ишлаб чиқарилади ва хизматлар кўрсатилади.
Уларда энг малакали ходимлар жамланган бўлади. Бу эса ўз навбатида янги замонавий техника ва технологияни қўллаш,
захиралардан унумли фойдаланиш, харажатларни камайтириш ва ишлаб чиқариш рентабеллигини ошириш, бизнес-режалар
ишлаб чиқиш, маркетинг тадқиқотларини ўтказиш, самарали бошқариш-менежмент тизимини жорий этиш билан боғлиқ
кўплаб муаммоларни ҳал этишни талаб этади.
