Норасмий иқтисодиёт улуши юқори бўлган мамлакатларда бюджет даромадларининг камайиши ва иқтисодий ўсишнинг пасайиши кўпроқ кузатилади. Бугунги кунда дунё тажрибасида ҳам яширин иқтисодиётнинг реал' даражасини аниқлаш ва уни камайтириш мақсадида иқтисодий фаолиятни тартибга солиш механизмларини ишлаб чиқиш бўйича кенг кўламда ишлар олиб борилмокда. Бунда солиқ сиёсати иқтисодиётни тартибга солишдаги энг таъсирчан механизм сифатида норасмий иқтисодиётни жиловлаш мақсадларида алоҳида аҳамият касб этади. Ҳукуматлар томонидан солиқ механизмлари орқали норасмий иқтисодиёт улушини камайтиришда истеъмол солиқлари ва даромад солиқларини такомиллаштириш ҳамда солиқ юкини оптимал даражада белгилашга алоҳида эътибор қаратилмоқда. Бу ўз навбатида норасмий иқтисодиёт улушини камайтириш бўйича халқаро миқёсда доимий равишда илмий тадқиқотлар олиб бориш зарурлигини тақозо этади.