Жаҳон иқтисодиётининг интеграциялашуви шароитида саноат корхоналари
рақобатбардошлилигини ҳамда хўжалик юритувчи субъектларнинг фаолияти
ва самарадорлигини ошириш, замонавий илғор технологиялар ва
инновациялардан мақсадли фойдаланиш муҳим аҳамият касб этади. Жаҳонда
саноат корхоналарини комплекс ривожлантириш, уларга инновацион
ишланмаларни кенг жорий этиш ҳисобига маҳсулотлар экспорти
географиясини кенгайтириш ҳамда барқарор иқтисодий ривожланиш
суръатларига эришиш асосий устуворликларни белгилайди. «Ривожланган
мамлакатлар ялпи ички маҳсулоти (ЯИМ)да саноат улушининг ўртача 40%га
тўғри келаётгани, ривожланаётган давлатларда ўртача 20-25% бўлиши»1
истиқболда бу тармоқни янада ривожлантиришга оид илмий тадқиқотлар олиб боришни янада кўпайтиришни талаб этади.
