Jahonda olib borilayotgan ilmiy tadqiqotlarda soliq tekshiruvlari soliq
toʻlovchilarni soliq organlari oldida hisob-kitoblarni toʻgʻri taqdim etishga yordam
beruvchi xizmat sifatida oʻrganilmoqda. Tadqiqotlar doirasida soliq
toʻlovchilarning soliq qonunchiligiga rioya etmaslik darajasi oshishini cheklash,
soliq tekshiruvining soliq qonunchiligiga taʼsirini oʻrganish, soliq maʼmurchiligini
osonlashtiruvchi qonunchilik islohotlarini joriy etish, soliq tekshiruvining
daromadlarni yigʻish samaradorligiga taʼsirini oʻrganish, soliq tekshiruvi
samaradorligiga taʼsir etuvchi omillarni baholash, soliq tekshiruvi modellari va
soliq organlari faoliyatiga elektron texnologiyalarni joriy etish singari masalalarda
ilmiy tadqiqotlar olib borilmoqda.
