Жаҳонда турли экологик инқирозлар ва техноген сабабларга кўра кўплаб
ривожланган мамлакатларда мева-сабзавот ишлаб чиқариш улушининг кескин
камайиб бориши шароитида мазкур муаммоларни ўрганишга қаратилган илмий
тадқиқот ишлари олиб борилмоқда. Мева-сабзавот маҳсулотлари ишлаб
чиқариш ҳажмини ошириш, экологик тоза, сифатли маҳсулотларини
етиштиришда инновацион технологиялардан фойдаланиш, мева-сабзавотчилик
кластерлари фаолиятини самарали ташкил этиш, рақамли платформа ва
технологияларни жорий этиш, мазкур фаолиятни бошқариш самарадорлигини
баҳолаш услубиётини такомиллаштириш бу борадаги устувор илмий тадқиқот
йўналишларидан ҳисобланади.
