Jahon banki ma’lumotlariga qaraganda1 dunyoda xizmat ko‘rsatish sohasi ichida raqobatning kuchayishi va bu tarmoqqa davlatlarning moliyaviy quvvatlashi natijasida ularning orasida yirik transmilliy kompaniyalar (TMK) to‘laydigan soliqlar, ayrim olingan qashshoq mamlakatlarning yillik budjetidan yuqori bo‘lmoqda. Jumladan, xizmat ko‘rsatish sohasida TMK sanaladigan reklama biznesidagi - Grey Advertising (AQSH), xalqaro tezkor transport - DHL (Germaniya), tadbir xizmatlari - Pico Global Services LTD (Gonkong) va Google, Apple, Facebook, Amazon va Microsoft kabi kompaniyalar tomonidan to‘lanadigan soliqlar katta miqdorni tashkil etadi. Bu esa jahon amaliyotida xizmat ko‘rsatish korxonalarini rivojlantirish bilan parallel ravishda ularni soliqqa tortish mexanizmlarini ham qayta ko‘rib borishga va bu yo‘nalishda ilmiy tadqiqotlarni kuchaytirishga keng e’tibor berilmoqda.