Jahonda yirik korporativ tuzilmalar iqtisodiy samaradorligining namoyon bo‘lishi sharoitida korporativ boshqaruv tizimi sifatini oshirish mexanizmini takomillashtirish masalalariga yo‘naltirilgan qator ilmiy tadqiqotlar amalga oshirilmoqda. Korxonalarda korporativ boshqaruv tizimi sifatini belgilovchi omillar, sifatni baholash, korporativ boshqaruv samaradorligini va jozibadorligini baholashning uslubiy asoslarini takomillashtirish, boshqaruv tizimi sifatini oshirishga innovtasion yondashuvlarni ishlab chiqish, mazkur jarayonlarga raqamli texnologiyalarni tatbiq etish kabi muammolar bu borada amalga oshirilayotgan ilmiy tadqiqotlarning ustuvor yo‘nalishlaridan hisoblanadi.
