Мазкур тенденция реал сектордаги йирик корпоратив тузилмалар ички
молиялаштириш манбаларининг заифлашуви билан боғлиқ бўлиб, айни
пайтда корхоналар молиявий натижаларини бошқариш тизимини
такомиллаштириш муаммосининг долзарблигини намоён этади.
Ҳозирги кунда жаҳонда йирик корпоратив тузилмалар фаолиятини
молиявий ресурслар билан таъминлашнинг самарали йўлларини излаш,
уларни бошқариш замонавий усулларини аниқлаш, корхоналар молиявий
барқарорлигини баҳолашнинг янги илмий-услубий ёндашувларини ишлаб
чиқиш, хўжалик субъектларининг истиқболдаги инвестициявий
жозибадорлиги, кредитга лаёқатлилиги ҳамда бозор қийматини оширишда
молиявий натижаларни мақсадга йўналтирилган бошқариш тизимини янада
такомиллаштириш борасида кенг тадқиқотлар олиб борилмоқда.
