Ҳозирги даврда фан, бошқарув, ишлаб чиқариш, савдо ва шу каби бошқа кўплаб соҳаларни ахборотлаштириш жараёнларисиз тасаввур қилиш қийин. Уларнинг ижобий таъсири давлат тузилмалари ва фуқаролик жамияти институтлари, ижтимоий ва иқтисодий соҳа ҳамда инсонларнинг турмуш тарзида ўз аксини топмоқда. Ахборот-коммуникация технологиялари (АКТ) корхоналарга ўз молиявий-иқтисодий салоҳиятларидан янада тўлиқ фойдаланиш имкониятини бериб, барқарор иқтисодий ўсиш ва самарали фаолият юритишига хизмат қилмоқда.
