Дунѐнинг кўплаб мамлакатларида инқироздан кейинги даврдаги ривожланиш фазасига чиқиш билан боғлиқ ислоҳотларда ялпи талабни самарали рағбатлантиришнинг муҳим инструментларидан бири сифатида солиқ тизимида кенг кўламли ислоҳотлар амалга оширилмоқда. Бунда барқарор иқтисодий ўсишни таъминлашнинг муҳим драйвери сифатидаги ролига таянган ҳолда кичик бизнес ва хусусий тадбиркорлик субъектларини қўллаб-қувватлашнинг фискал ва монетар инструментлари кенг ноанъанавий усулларидан фойдаланилмоқда. Хусусан, постиндустриал цивилизация шароитида рақамли бизнес соҳасидаги кичик бизнес субъектларини солиққа тортишда ягона ахборот маконига асосланган виртуал механизмни шакллантириш билан боғлиқ ислоҳотлар кузатилмоқда. Шунингдек, виртуал ахборот макони шароитида ―Ягона солиқ‖ назарияси тараққиѐтидаги концептуал йўналиш истеъмолдан олинадиган ягона солиқ 2 механизмининг дастурий маҳсулларини шакллантириш бўйича изланишлар олиб борилмоқда.