Тадқиқотнинг долзарблигини белгилаб берувчи асосий сабабларга яна
шу нарса кирадики, ҳозирги вақтга келиб пахта етиштириш учун унинг
самарали навларини танлаш усуллари ва мезонлари фан нуқтаи назаридан
етарлича асосланмаган. Бугунги кунда истеъмолчилар талаблари, масалан,
тўқимачилик саноатининг, пахта толаси сифат кўрсаткичларига талаби
инобатга олинмасдан, пахтанинг асосан ишлаб чиқариш харажатларини
пасайтириш нуқтаи назаридан истиқболли навлари экилмоқда.
