Жаҳонда иқтисодий тараққиётни таъминлашда бюджет-солиқ механизмининг аҳамиятини ошириш, бевосита ва билвосита солиқларнинг оптимал нисбатини шакллантириш борасида муҳим тадқиқотлар олиб борилмоқда. Бевосита солиқларнинг бюджет тушумларига таъсирини кучайтириш, аҳоли ва ишлаб чиқарувчиларнинг иқтисодий фаоллигини рағбатлантириш, мамлакат ҳудудларидаги иқтисодий фаолиятнинг турли тафовут ва шароитларидан келиб чиқувчи тенгсизлик ҳолатларини юмшатиш, мулкдан тежамли ва самарали фойдаланиш, аҳоли даромадлари ўртасидаги табақаланиш даражасини тартибга солиш, солиқ тушумларини прогнозлаш ва уларнинг йиғилувчанлик даражасини ошириш кабилар - бу борадаги тадқиқот йўналишларидан ҳисобланади.
