Жаҳоннинг етакчи илмий марказлари ва мутахассислари томонидан
тадбиркорлик фаолиятининг аҳоли фаровонлигига таъсири борасида кўплаб
илмий тадқиқотлар олиб борилмоқда. Жумладан, тадбиркорлик
фаолиятининг инновацион шаклларини ривожлантириш, тадбиркорликнинг
ижтимоий функциясининг кучайиши, ижтимоий тадбиркорлик
кенгайишининг аҳоли фаровонлигига таъсири, аҳоли фаровонлиги
тушунчаси мазмунидаги ўзгаришлар, аҳоли фаровонлиги даражасини
баҳолашда кўп омилли ёндашувлар, иқтисодиётнинг драйвер соҳа ва
тармоқларини ривожлантириш орқали фаровонликни ошириш каби
йўналишларда тадқиқотлар амалга оширилмоқда.
