Акциядорлик жамиятлари товар-моддий захиралар катта молиявий ресурслар инвестиция килинган акциядорлик жамиятларининг жорий активлари ҳисобланиб, уларнинг ортиқчалиги ва етишмовчиликни олдини олиш учун муайян ҳаракатларни талаб қилади. Натижада, товар-моддий заҳираларни бошқариш акциядорлик жамиятларининг энг муҳим функцияси бўлиб, у йирик корхоналари учун ҳам, кичик бизнес учун ҳам жуда долзарб ҳисобланади. Акциядорлик жамиятларида товар-моддий заҳираларни бошқариш, айниқса кўп маҳсулот ишлаб чиқарадиган акциядорлик жамиятларида самарали усуллардан фойдаланган ва махсус дастурлар ёрдамида юқори даражада амалга ошириш керак. Маҳсулот турларининг ўсиши ва турли ҳил мол етказиб берувчилар сонининг купайиши билан товар-моддий захираларни оддий усуллар ёрдамида бошкариш тобора қийинлашмоқда.