Hozirda jahonda uy-joy fondlarini boshqarishning tashkiliy-iqtisodiy mexanizmini takomillashtirishga yo‘naltirilgan qator ilmiy izlanishlar olib borilmoqda. Iste‘molchilarning uy-joy kommunal xizmatlariga bo‘lgan ehtiyojini qondirishning zamonaviy usul va vositalarini joriy etish, uy-joy kommunal xizmatlar sifatini oshirish, sohani yagona tizim sifatida shakllantirish, soha faoliyatida davlatning o‘rni, soha korxonalari faoliyatini boshqarish jarayonlarini takomillashtirish, sohada tabiiy monopoliya darajasini cheklash va bozor mexanizmlarining amal qilish doirasini kengaytirish hamda soha korxonalari tomonidan ko‘rsatiladigan xizmatlar turini kengaytirish masalalari bu boradagi ilmiy tadqiqotning ustuvor yo‘nalishlaridan hisoblanadi.
