Globallashuv sharoitida aholi sonining ko‘payishi natijasida dunyo mamlakatlari bo‘yicha savodxonlik darajasini oshirib borishga qaratilgan ko‘plab ilmiy tadqiqotlar amalga oshirilmoqda. Dunyo mamlakatlari ta’lim tizimida islohotlarni amalga oshirishda salohiyatli kadrlarni tayyorlash, yangi kasblarga yo‘naltirish, ishlab chiqarishni ta’lim bilan uzviyligini ta’minlash, tizimni moliyalashtirishni mustaqil amalga oshirish, oliy ta’lim tizimini boshqarishda kadrlar tayyorlashning ilmiy-uslubiy asoslarini takomillashtirish, agrar ta’lim tizimida kadrlar tayyorlashda boshqaruv faoliyati samaradorligini oshirish, kadrlar tayyorlashda zamonaviy boshqaruv usullarini joriy etish bu boradagi ilmiy tadqiqotlarning ustuvor yo‘nalishlaridan hisoblanadi.
