Жаҳонда аҳолини самарали иш билан банд этиш ҳамда истиқболли
тармоқлар, жумладан, туризмни ривожлантириш йўлларидан бири сифатида
ҳунармандчиликни қўллаб-қувватлаш ва уни изчил ривожлантиришга алоҳида
эътибор қаратилмоқда. Ҳунармандчилик туристик кластерларни
шакллантириш ва туризмни ривожлантиришнинг инновацион омили сифатида
ўрганилмоқда. Ҳунармандчиликда хизматлар бозорини шакллантириш ва
маркетингни кенг қўллаш, туризмни ривожлантиришда ҳунармандчилик
салоҳиятидан фойдаланиш, бозор иқтисодиёти шароитида ҳунармандчиликни
ривожлантиришни давлат томонидан қўллаб-қувватлаш механизмини
такомиллаштириш борасида илмий тадқиқот ишлари олиб борилмоқда.
