Ўзбекистон иқтисодиётининг изчил ва мутаносиб ривожланишини таъминлашда пухта ва ҳар томонлама асосланган чора-тадбирлар, турли даражалардаги иқтисодий
тараққиёт дастурларининг ишлаб чиқилиши ва аниқ белгилаб олиниши муваффақият гарови ҳисобланади. Айни пайтда, босиб ўтилган йўл - олдинги даврдаги эришилган ютуқ ва натижаларни танқидий баҳолаш орқали тегишли хулосалар чиқариш, улар асосида ижтимоий-иқтисодий ривожланиш дастурларини янада такомиллаштириб бориш ҳам муҳим принципиал аҳамият касб этади.
