Жаҳонда барқарор иқтисодий ўсишни таъминлашда давлат-хусусий
шериклик механизмини такомиллаштириш бўйича кўплаб илмий тадқиқот
ишлари олиб борилмоқда. Бу борада давлат-хусусий шериклик механизмини
жорий этиш босқичлари ва соҳаларини аниқлаш, энергетика, сув таъминоти,
транспорт, телекоммуникация, ахборот технологиялари ва бошқа тармоқларда
давлат ва хусусий муассасаларнинг ўзаро самарали ҳамкорлигини
ривожлантириш, ҳудудий инфратузилма объектлари фаолият самарадорлигини
таъминлаш усул ва воситаларини жорий этиш, ДХШ доирасида ижтимоий
неъматларни ишлаб чиқариш ва тақсимлаш, соҳанинг истиқболдаги фаолият
миқёсларини баҳолаш ва прогноз қилиш сингари тадқиқот йўналишларини қайд
этиш мумкин.
