Ҳозирги глобаллашув шароитида, жаҳон иқтисодиётига киритилган инвестициялар, инвестициялардан самарали фойдаланиш билан боғлиқ бўлган хатарлар ва таваккалчиликнинг ноаниқлиги сабабли ишлаб чиқариш қувватларининг чекланишига ва инвестициялар самарадорлигининг пасайишига олиб келмоқда. Шу муносабат билан, ушбу соҳадаги муаммоларни олдиндан билиш, глобал рақобатбардошликни ошириш ва корхонанинг барқарор ўсишини таъминлаш учун илмий асосланган чораларни ишлаб чиқиш учун - инвестициялар самарадорлигига таъсир этувчи омилларни ҳар томонлама таҳлил қилишда асосий тенденция ишлаб чиқариш ва хизмат кўрсатиш соҳаси ўртасида инвестицияларни тўғри тақсимлаш масаласи ҳисобланади.
