Жаҳоннинг ривожланган давлатлари, хусусан АҚШ, Германия, Буюк Британия, Япония, Жанубий Корея, Франция каби мамлакатларда ишлаб чиқаришни диверсификациялаш асосида миллий иқтисодиётларидаги инқироз жараёнларини бартараф этиш, харид талабини ошириш, миллий маҳсулотларини жаҳон бозоридаги рақобатбардошлигини кучайтиришга эришмоқдалар. Ҳозирги кунда жаҳон миқёсида саноат корхоналарида, хусусан тўқимачилик саноати корхоналарида ишлаб чиқаришни диверсификациялашни бошқаришнинг устувор йўналишлари сифатида диверсификациянинг ишлаб чиқариш ҳаракати ва инқирозга юз тутиш хавфини камайтириш стратегияси жорий этилмоқда. Бунда олимлар томонидан рақобатдошликка эришиш учун биринчи навбатда, иқтисодиётни таркибий жиҳатдан ўзгартириш ва диверсификация қилиш, юқори технологияларга асосланган ишлаб чиқаришни ривожлантириш бўйича муҳим илмий натижаларга эришилди.