Жаҳон тажрибасининг кўрсатишича иқтисодий ўсишни таъминлашда аxборот-коммуникация теxнологиялари соҳаси муҳим аҳамият касб этмоқда. Айниқса, бу борада телекоммуникация теxнологиялари, компьютер ва дастурий таъминот маҳсулотларини ишлаб чиқариш ҳамда телекоммуникация соҳасининг аҳамияти тобора ортиб бормоқда. Ушбу соҳада катта салоҳиятга эга бўлган Жанубий Корея, Германия, АҚШ, ХХР ва Ҳиндистон каби мамлакатлар тажрибасига кўра юқорида кўрсатилган соҳаларни ривожлантириш ўз навбатида инновацион тараққиѐтни жадаллаштириш, экспорт салоҳиятни ривожлантириш, инвестицион фаолиятни янада фаоллаштириш, аҳолининг бандлик даражасини ошириш ва иқтисодий ўсиш суръатларини юксалтиришга хизмат қилади. Маълумотларга кўра, жаҳон миқѐсида яратилаѐтган ялпи ички маҳсулотнинг беш фоизи аxборот-коммуникация теxнологиялари соҳасига тўғри келиб, мазкур кўрсаткич 2020 йилда тўққиз фоиздан ошади.