Жаҳонда амалга оширилаётган ишланишларда электр энергетикаси соҳасида соғлом рақобат муҳитини хусусий, хорижий, давлат-хусусий шерикчилик муносабатларини ташкил қилиш орқали шакллантириш, соҳани корпоратив тамойиллар асосида бошқариш ва тартибга солишнинг иқтисодий механизмларини меъёрий-хуқуқий жиҳатдан такомиллаштириш бўйича илмий тадқиқотлар олиб бориш устувор йўналишлардан ҳисобланади. Табиий монополиялар таркибига кирувчи электр энергетикаси соҳаси бошқа фаолият соҳаларига қараганда ўзига хос бўлган хусусиятлари билан ажралиб туради. Яъни, технологик хусусиятига кўра - электр энергиясини бир жойда сақлаб туришнинг имкони йўқлиги; иқтисодий хусусиятига кўра -электр энергиясини ишлаб чиқариш ва сотиш тизими доимо бозор
тамойилларига тўлиқ мос келмайди.
