Жаҳон амалиётида валюта сиёсатидан тўлов балансини мувозанатлаштириш, миллий
валюта курсининг барқарорлигини таъминлаш ва шунинг асосида давлатнинг
ташқи иқтисодий позициясини барқарорлаштиришда кенг фойдаланилади.
Айни пайтда, валюта сиёсати шаклларидан фойдаланиш ва унинг
самарадорлиги ривожланган ва ривожланаётган мамлакатларда фарқ қилади.
Чунончи ривожланган мамлакатлар дисконт сиёсати орқали капиталлар
ҳаракатига сезиларли таъсир кўрсатгани ҳолда, ривожланаётган мамлакатлар
валюта сиёсатини амалга оширишда асосан девиз сиёсати ва валютани
тартибга солиш механизмларига таянади
