Jahonda globallashuv hamda xalqaro darajadagi raqobat sharoitida kichik biznes sub'ektlarining tashqi savdo faoliyatidagi ishtirokini kengaytirish borasida ilmiy izlanishlar olib borilmoqda. Milliy raqobatbardoshlikni ta'minlashda kichik biznesning tashqi savdo faoliyatidagi ishtirokini kengaytirishning innovatsion yondashuvlarini ishlab chiqish, tashqi savdo faoliyati infratuzilmasining samarali tizimini hamda tashqi savdo faoliyatiga ixtisoslashuvni rag'batlantiruvchi qulay muhit yaratish, tashqi savdo operatsiyalarini raqamli platformalarga o'tkazish, kichik biznes sub'ektlarining tashqi savdo faoliyatini rag'batlantiruvchi iqtisodiy mexanizmlarni yo'lga qo'yish, kichik korxonalarning tashqi savdo faoliyatidagi ishtirokini davlat tomonidan qo'llab-quvvatlashning ta'sirchan mexanizmlarini yaratish bu borada amalga oshirilayotgan tadqiqotlarning ustuvor yo'nalishlaridan hisoblanadi.